1 Եւ Յեսուն ա ծերացել էր եւ օրերն անցկացրել: Եւ Տէրը նորան ասեց. Դու ծերացել ես եւ օրերդ անցկացրել. եւ խիստ շատ երկիր է մնացել ժառանգելու:
2 բ Մնացած երկիրը այս է. գ Փղշտացիների ամեն սահմանները, եւ բոլոր դ Գեսուրը.
3 ե Եգիպտոսի դիմացի Սիովրիցը մինչեւ Ակկարօնի սահմանը հիւսիսային կողմին Քանանացիներինը համարուի, զ Փղշտացիների հինգ նախարարութիւնները, այսինքն Գազացիներինը, Ազովտացիներինը, Ասկաղոնացիներինը, Գեթացիներինը եւ Ակկարոնացիներինը եւ է Աւացիներինը.
4 Հարաւային կողմից Քանանացիների բոլոր երկիրը՝ եւ Սիդոնացիների Մէարան ը մինչեւ Ափէկ մինչև թ Ամօրհացիների սահմանը.
5 Եւ ժ Գեբաղացիների երկիրը եւ արեւելքի բոլոր Լիբանանը Հերմոն սարի տակի ի Բաաղգադից մինչեւ Եմաթի մուտքը,
6 Բոլոր լեռնաբնակները՝ Լիբանանից մինչեւ լ Մասրեփօթ-մայիմ, բոլոր Սիդոնացիներիը, խ նորանց ես քշելու եմ Իսրայէլի որդկանց առաջից. միայն թէ ծ դու Իսրայէլին ժառանգութիւն բաժանիր այն ինչպէս որ քեզ պատուիրեցի:
7 Եւ հիմա այս երկիրը ժառանգութիւն բաժանիր ինը ցեղին, եւ Մանասէի կէս ցեղին.
8 Ռուբէնեաններն ու Գադեաններն արդէն նորա հետ առել են իրանց ժառանգութիւնը, կ որ Մովսէսը Յորդանանի այն կողմին դէպի արեւելք նորանց տուաւ, ինչպէս որ Տիրոջ ծառայ Մովսէսը տուել է նորանց.
9 հ Առնոն ձորի եզերքի վերայ եղող Արոերիցը եւ ձորի մէջ եղող քաղաքը եւ ձ Մեդաբայի ղ բոլոր դաշտը մինչեւ Դեբոն.
10 Եւ ճ Եսեբոնի մէջ թագաւորող Ամօրհացիների Սեհոն թագաւորի բոլոր քաղաքները մինչեւ Ամմոնի որդկանց սահմանը.
11 Եւ մ Գաղաադը եւ յ Գեսուրացիների ու Մաքաթացիների սահմանը՝ եւ բոլոր ն Հերմոն սարը, եւ բոլոր Բասանը մինչեւ Սելքա.
12 Բասանի մէջ Ովգի բոլոր թագաւորութիւնը, որ թագաւորում էր շ Աստարովթի ու Եդրայիի մէջ. ո նա էր մնացել հսկաների մնացորդիցը. չ բայց Մովսէսը նորանց զարկեց եւ քշեց:
13 Եւ Իսրայէլի որդիքը Գեսուրացիներին եւ Մաքաթացիներին չ’հալածեցին. եւ Գեսուրացիներն եւ Մաքաթացիները մինչեւ այսօր Իսրայէլի մէջ բնակուեցան:
14 պ Միայն Ղեւիի ցեղին ժառանգութիւն չ’տուաւ. Իսրայէլի Տէր Աստուծոյ պատարագներն են նորա ժառանգութիւնը, ինչպէս որ նորան ասել էր:
15 Եւ Մովսէսը տուաւ Ռուբէնի որդկանց ցեղին նորանց ազգատոհմներին համեմատ:
16 Եւ նորանց սահմանը եղաւ. Առնոն ձորի եզերքի վերայ եղող Արոէրից՝ եւ ջ ձորի մէջ եղող քաղաքը, ռ Մեդաբայի մօտ եղած բոլոր դաշտը,
17 Եսեբոնը եւ նորա բոլոր դաշտային քաղաքները, Դեբոն, Բամոթ-բահաղ եւ Բէթբէէլմօն,
18 Եւ ս Յասսա եւ Կադեմօթ, եւ Մեփայաթ,
19 Եւ վ Կարիաթեմ, եւ տ Սեբամա, եւ Սարեթ-սահառ հովտի սարի վերայ,
20 Եւ ր Բեթփեգովր, եւ ց Ասեդովթ-փասգա, եւ Բեթեսիմօթ,
21 Եւ ւ դաշտի ամեն քաղաքները, եւ Եսեբոնում թագաւորող Ամօրհացիների Սեհոն թագաւորի բոլոր թագաւորութիւնը, փ որին զարկեց Մովսէսը՝ եւ ք Մադիամի իշխաններին՝ Եւիին, Րոկոմին, Սուրին, Ուրին եւ Ռօբին այն երկրումը բնակող Սեհոնի նախարարներին:
22 Եւ օ Բէովրեան Բաղաամ հարցուկին էլ Իսրայէլի որդիքը սրով մեռցրին նորանց սպանուածների հետ:
23 Եւ Ռուբէնի որդկանց սահմանն էր Յորդանանը եւ Գէբուլը. այս է Ռուբէնի որդկանց ազգատոհմների ժառանգութիւնը. այս քաղաքները եւ նորանց գիւղերը:
24 Եւ Մովսէսը տուաւ Գադի ցեղին, Գադի որդկանց իրանց ազգատոհմների համեմատ:
25 Եւ ֆ նորանց սահմանը եղաւ. Յազեր եւ բոլոր Գաղաադի քաղաքները, եւ և Ամմոնի որդկանց երկրի կէսը՝ մինչեւ Արոէր, որ ա Ռաբբայի դիմացն է:
26 Եւ Եսեբոնից մինչեւ Մասփայի Ռամովթը եւ Բոտանիմ, եւ Մանայիմից մինչեւ Դաբիրի սահմանը.
27 Եւ հովիտի մէջ բ Բեթարամ եւ Բեթնամրա, գ Սոկքովթ եւ Սափոն՝ Եսեբոնի Սեհոն թագաւորի թագաւորութեան մնացորդը, Յորդանանը եւ սահմանը, մինչեւ դ Քեներէթի ծովի եզերքը Յորդանանի այն կողմը դէպի արեւելք:
28 Այս է Գադի որդկանց ժառանգութիւնը իրանց ազգատոհմների համեմատ, այս քաղաքները եւ նորանց գիւղերը:
29 Եւ Մովսէսը տուաւ Մանասէի կէս ցեղին, որ Մանասէի որդկանց կէս ցեղինը եղաւ իրանց ազգատոհմների համեմատ:
30 Եւ նորանց սահմանը այս եղաւ. Մանայիմից՝ Բասանը Ովգ թագաւորի բոլոր թագաւորութիւնը՝ բոլոր Բասանը, եւ Բասանի մէջ եղող ե Յայիրի բոլոր գիւղաքաղաքները վաթսուն քաղաք.
31 Եւ Գաղաադի կէսը՝ զ Աստարովթ եւ Եդրայի՝ Բասանի մէջ Ովգի թագաւորութեան քաղաքները Մանասեան է Մաքիրի որդկանցը եղաւ, այսինքն Մաքիրի որդկանց կէսինը` իրանց ազգատոհմների համեմատ:
32 Սորանք են որ Մովսէսը ժառանգութիւն տուաւ Մովաբի դաշտերումը Երիքովի դէմ Յորդանանի այն կողմին դէպի արեւելք:
33 ը Բայց Մովսէսը Ղեւիի ցեղին ժառանգութիւն չ’տուաւ. Իսրայէլի Տէր Աստուածն է նորանց ժառանգութիւնը թ ինչպէս որ նորանց ասեց:
Հեսու 13